20 shtetas të RMV-së nuk duan të largohen nga Ukraina

Nga 120 qytetarë të RMV-së në Ukrainë,  rreth 80% janë evakuuar. Por sipas  ministrit të  Jashtëm, Bujar Osmani,  për 20 të tjerët nuk do të bëhet  asnjë përpjekje për t’i evakuuar, sepse ata vetë nuk dëshirojnë të largohen

“Janë 8 shtetas që kërkojnë evakuim, katër prej tyre janë shtetas tanë, 4 të tjerët janë ukrainas që kanë lidhje familjare me vendin tonë. Janë edhe 20 persona të tjerë që nuk kërkojnë evakuim, do të përmendi familjen me shkronjën T. e cila ka tre persona ka vetura, por nuk duan të evakuohen, edhe familja A. me tre persona…”, tha Osmani.

Osmani nuk pret të jetë i madh numri i refugjatëve nga Ukraina, por nëse kjo ndodh, nuk përjashtohet mundësia që të krijohen kapacitete shtesë për kujdes.