Asteroidi godet Tokën, astronomët e vunë re disa orë përpara

Një asteroid i vogël goditi Tokën mbi Islandë, vetëm pak orë pasi u vu re nga astronomët.

Objekti u rrëzua 40 kilometra në jug të ishullit norvegjez Jan Mayen në detin Arktik,  dhe shpërthimi ishte i barabartë me dy deri në tre mijë ton dinamit shpërthyes.

Daily Mail shkruan se shkëmbi hapësinor, i quajtur “2022 EB5”, besohet se është djegur në atmosferën e planetit tonë, por edhe nëse do të kishte prekur sipërfaqen, nuk do të kishte bërë dëm, sepse ishte vetëm 3 metra i gjerë.

Disa njerëz në Islandë raportuan se dëgjuan një goditje dhe panë një dritë gjatë kohës që 2022 EB5 fluturoi nëpër qiell me 11 milje në sekondë (18.5 km/s), midis Grenlandës dhe Norvegjisë.

Përpara përplasjes, e cila ndodhi në atmosferën në veri të Islandës në orën 21:22 të premten, më 11 mars, shkëmbi hapësinor u bë asteroidi i pestë që u zbulua nga Astronomët dhe Agjencia Evropiane të Hapësirës,  përpara se të godiste Tokën.