Putin: Nuk duam të pushtojmë Ukrainën, s’kishim opsion tjetër

Ushtria ruse ka prishur planet e autoriteteve ukrainase për të shkuar në luftë, tha presidenti rus Vladimir Putin. Ai shtoi se mentorët perëndimorë të Ukrainës e kishin nxitur Kievin në gjakderdhje, duke e furnizuar atë me armë dhe duke dërguar mercenarë.

 

Putin tha se Kievi kishte sabotuar propozimet për zgjidhjen paqësore të krizës. Shtoi se autoriteteve të Kievit u ishte dërguar një propozim përmes kanaleve të ndryshme për të tërhequr ushtrinë nga Donbass, por se ata kishin refuzuar.

 

Presidenti rus tha se shfaqja e forcave ruse në afrimet e Kievit nuk ka të bëjë fare me qëllimin për të pushtuar Ukrainën. Ai tha gjithashtu se "regjimi nazist" në Ukrainë së shpejti mund të fitojë armë bërthamore që synojnë Rusinë dhe formati aktual i operacionit ishte i vetmi i mundshëm.