COVID në Shqipëri, 93 të infektuar dhe 42 të shtruar në spital

Në 24 orët e fundit janë kryer 1107 testime, nga të cilat kanë rezultuar pozitivë 27 qytetarë në Tiranë, 10 në Vlorë, 9 në Sarandë, 7 në Gjirokastër, 6 në Elbasan, 4 në Fier, 3 në Kukës, Patos, Lushnje, Gramsh, 2 në Kurbin, Dibër, Delvinë, Kuçove, 1 në Shkodër, Pukë, Fushë-Arrëz, Tropojë, Lezhë, Kavajë, Pogradec, Berat, Belsh, Prrenjas.

 

Aktualisht në spitalet COVID po marrin trajtim 42 pacientë, nga të cilët tetë  janë në gjendje më të rënduar. Në 24 orët e fundit një 79-vjeçar nga Berati i prekur me COVID ndërroi jetë.

 

Janë shëruar 99 qytetarë gjatë 24 orëve të fundit, duke e çuar numrin e të shëruarve në 268,662 që nga fillimi i epidemisë.

 

Ministria e Shëndetësisë së Shqipërisë u bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

 

 

MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese, sipas rekomandimit të mjekut të familjes”, sipas ministrisë.