Ministria e Jashtme e Ukrainës: Rusia ka rrëmbyer mbi 2 mijë fëmijë

Ministria e Jashtme e Ukrainës ka ngritur akuza ndaj Rusisë se ka marrë me forcë në territorin e saj 2.389 fëmijë nga Donetsk dhe Luhansk.

 

“Veprime të tilla janë një shkelje e rëndë e së drejtës ndërkombëtare, në veçanti e ligjit ndërkombëtar humanitar”, thuhet në deklaratë.

 

Këto zhvillime u komentuan këtë të martë edhe nga UNICEF që megjithatë thekson  se ende nuk i ka verifikuar këto pretendime të  Ukrainës.

 

“Rrëmbimi i fëmijëve gjatë kohës së luftës është një nga gjashtë shkeljet e rënda ndaj fëmijëve në konflikt”, tha zëdhënësi i UNICEF-it, James Elder.

 

Ministria ruse e Mbrojtjes tha të dielën se 16,434 persona, përfshirë 2,389 fëmijë u evakuuan nga Donbasi.