Dita Botërore e Ujit, 70% e ujit për pije nga ujërat nëntokësorë

Në Ditën Botërore të Ujit rikujtojmë se uji për pije në masë më të madhe vjen prej burimeve tokësore, ndaj mbrojtja e saj nga ndotja është vitale për të përmbushur nevojat e rritjes së popullsisë.

 

“Rreth 70 për qind e nevojave për furnizim me ujë, ujitje dhe shumë qëllime të tjera të rëndësishme në jetë, sigurohen pikërisht prej ujërave nëntokësorë.”,- tha profesori i Fakultetit të Ndërtimtarisë, Millorad Jovanovski.

 

60% e ujit humbet në ujësjellës

 

115 vite ujësjellësi i Shkupit e furnizon kryeqytetin me ujë me cilësi të lartë dhe me kontroll të vazhdueshëm për cilësinë e ujit. 

 

“Kemi humbje të madhe prej 60 për qind që është mjaft shqetësuese për shoqërinë tonë dhe për ne si Qyteti i Shkupit.”,- tha drejtori i Ujësjellësit dhe Kanalizimeve, Zllatko Perinski.

 

Për dallim nga vendi ynë ekzistojnë vende nëpër botë që uji është pasuri më e madhe se ari, theksojnë ambasadorët e jashtëm të cilët me vite ndihmojnë në modernizimin dhe ndërtimin e rrjetit të ujësjellësit në vend.

 

“Ujërat nëntokësorë janë shumë të rëndësishëm sepse e mundësojnë pjesën më të madhe të ujit të pijshëm dhe sepse ne nuk i shohim dhe ndonjëherë ne mund t’i anashkalojmë ato.”,- u shpreh ambasadorja e Zvicrës, Veronika Ullman.

 

Për qasje më racionale të ujit si burim natyror që po zvogëlohet si shkak i ndryshimeve klimatike, Ministria e Mjedisit Jetësor do të propozojë ndryshime të Ligjit për Ujërat që në të ardhmen do të nevojitet të sigurohet burim të ujit për ndërtim të ri.