Kumanovë: Instituti për mejkësi të transfuziologjisë ka mjaftueshëm gjak

Falë dhuruesve të  shumtë të gjakut, Instituti për Mjekësi të Transfuzionit pranë Spitalit të përgjithshëm të Kumanovës, për asnjë moment nuk e ndërpreu punën e vetë, edhe për kundër faktit se këto 2 vitet e fundit vendi ynë sikurse  e gjithë bota po kalojnë nën valën e Pandemisë së Korona Virusit.

Edhe pse me intensitet më të ulët, megjithatë  puna e Institutit për Transfuzioligji vazhdoi.

“Gjatë kohës së Pandemisë, numri i gjakëdhuruesve u reduktua kjo si pasojë e infeksioneve nga Covid-19, pastaj kishim periudhën e izolimit, vaksinimi gjithashtu e pengon procesin e gjakëdhurimit pasiqë është rekomandim se pas vaksinimit një periudhë të caktuar nuk duhet të jipet gjak, mandej ishte edhe frika ajo që i pengonte pasiqë frikoheshin se këtu mund të infektohen me Covid-19, pra ishte evidente se ulej numri i gjakëdhuruesve, por për momentin ekemi tejkaluar këtë problem dhe situata me procedurat është stabilizuar”, - tha për TVM2, Driton Bilalli, nga Instituti i Transfuziologjisë - Kumanovë.

Sipas mjekut  Driton Bilalli, momentalisht ky Institut është i pajisur me gjak të mjaftueshëm  për të mbuluar  të gjitha kërkesat e Spitalit të përgjithshëm të Kumanovës.

“Kemi gjak  të mjaftueshëm, kemi numër të mjaftueshëm të gjakdhuruesve . Periudhat më të vështira gjatë kohës së Pandemisë i kaluam me sukses, drejtorët aktual të Insititutit të Transfuziologjisë kanë punuar vazhdimisht në këtë drejtim kjo ndihmoi që ti tejkalojmë situatat e vështira me Pandeminë, kurse tani situata është më e relaksuar”, - deklaroi për TVM2, Bilalli.

Ndryshe për të dhuruar gjak për herë të parë, vlenë të theksohet se gjakdhuruesi me doemos  duhet të i nënshtrohet disa analizave shëndetësore me qëllim parandalim e ndonjë përhapjeje të ndonjë virusi apo infeksioni. (Fatlum Aqifi, TVM2)