Komisioni i përzier Maqedono –Bullgar, historianët: Mbreti Samoill, punë e zgjidhur

Komisioni i përzier maqedono –bullgar ka vazhduar diskutimet për çështjet e hapura mes dy shteteve. Fokusi i bisedimeve ka përfshirë  vërejtjet e palës maqedonase për periudhën mesjetare që mësohet në literatarutën e librave të historisë në vendin tonë. 

Para takimit,  historianët bullgar theksuan se tashmë kanë arritur pajtueshmëri për të vërtetën e mbretit Samoil dhe po punohet në pikat tjera kontestuese.

“Tash për tash punët po zhvillohen mire”, u shpreh historiani bullgar.

“Po bëhet një hap përpara. Çështja e mbretit Samoil tashmë është punë e kryer”, theksoi historiani bullgar.

"Për Goce Dellçevin do të bisedohet nëse do të ketë kohë”, u shpreh historiani bullgar.

Edhe bashkë - udhëheqësi  i komisionit nga pala maqedonase Dragi Gjorgjiev, një ditë më parë theksoi se ka atmosferë pozitive brenda komisionit për të tejkaluar disa mosmarrëveshje ndër-shtetërore historike.

Anëtarët e komisionit këtë vit duhet të mbajnë gjithsej 5 takime. Deri më tani, komisioni i historisë ka dorëzuar tek qeveria e vendit dhe ajo bullgare rekomandime për pjesëmarrje të përbashkët në manifestimet e pesë figurave historike: për mbretin  Samoill, vëllezërit Kirili dhe Metodi, për Shën Naumin dhe Kliment Ohridskin.

NERMIN MULAKI FEJZULLAHU