UNT, dita e hapur dhe dita e karrierës

 

 

“Oda Ekonomike përfaqëson një rrjedhë të konsoliduar të biznesit, që nëpërmjet kësaj iniciative hap mundësi konkrete për punësime dhe praktikë profesionale për studentët tanë. Maturantët nga shkolla e mesme kanë qasje te një softueri që e kemi krijuar dhe i cili i udhëzon në orientim në karrierën e tyre dhe për këtë softuer prezantime do të ketë në orën 12:00 në klasën 107 dhe të gjithë ata që duan ta testojnë veten dhe profilin e tyre në bazë të disa performancave, të cilat ato i kanë dhe në bazë të së cilave mund të zgjedhin profilin e tyre.”, - deklaroi rektori i UNT-së, Bekim Fetahi.

 

“Ne sot jemi këtu si Odë Ekonomike që t’i njoftojmë studentët se në çdo moment, sa herë që keni nevojë, derën e keni të hapur në Odën Ekonomike për çfarëdolloj bashkëpunimi, informimi ose ndihme që mund t’ju ofrojmë nëpërmjet donacioneve, të cilët i siguron buxheti i shtetit nëpërmjet rrjetit të institucioneve të tyre.”, - theksoi Nuhi Aliu nga Oda Ekonomike.

 

Ata njëherësh theksuan se këto aktivitete dëshmojnë angazhimin e Universitetit “Nënë Tereza“ për të qenë jo vetëm qendër e dijes dhe kërkimit shkencor, por edhe partner i besueshëm në ndërtimin e të ardhmes profesionale të studentëve.