Rruga eurointegruese e RMV-së, LSDM dhe VMRO-DPMNE fajin ia hedhin njëra-tjetrës

 

“Vetëm Venko Filipçe dhe ata besnikë të Zoran Zaevit, të emëruar personalisht prej tij në strukturat partiake të LSD-së, besojnë se ndryshimet kushtetuese janë pengesa e fundit për Maqedoninë. Në vend që të qëndrojnë në anën e djathtë, maqedonase dhe të mbrojnë shtetin, LSD-ja dhe Filipçe ndjekin gjurmët e Zaevit, duke ndryshuar përsëri emrin për të ardhur në pushtet dhe për të vjedhur. Atë që Zaevi e nisi, Filipçe nuk ka problem ta përfundojë.”, - deklaroi Valentin Manasievski nga VMRO-DPMNE.

 

Kanë reaguar nga LSDM-ja opozitare. Sipas tyre, përfshirja e etniteteve tjera në Kushtetutë dhe përshpejtimi i rrugës eurointegruese, nuk kërcënon identitetin maqedonas.

 

“Hristijan Mickoski dhe VMRO-ja po vazhdojnë të gënjejnë se përfshirja e etniteteve tjera në Kushtetutë e rrezikon identitetin maqedonas, kjo është gënjeshtër e kulluar. Qëllimi është i qartë, nuk bëhet fjalë për çështjen e etniteteve, por blloku i qëllimshëm i rrugës eurointegruese të vendit. Hapja e derës evropiane, në të njëjtën kohë nënkupton edhe hapjen  e derës të Prokurorisë Publike Evropiane, nga e cila Mickoski dhe grupi i tij kanë frikë, sepse nuk mund të kenë tenderë të kurdisur, por ka vetëm përgjegjësi, prandaj edhe i bllokojnë ndryshimet kushtetuese.”, - theksoi Bogdanka Kuzeska nga LSDM.

 

Sipas LSDM-së, Mickoski qëllimisht në këtë kohë i përshkallëzon  marrëdhëniet me Bullgarinë dhe orkestron sulme ndaj LSDM-së, duke pretenduar se LSDM po pengon agjendën e reformave, vetëm për të pranuar se nuk ka nevojë për opozitën për reforma.