Debat publik për Draft-propozimin e Ligjit për Probacionin

 

Në debatin publik pritet pjesëmarrja e përfaqësuesve të institucioneve, komunitetit akademik dhe ekspertëve. Me fjalë përshëndetëse do të paraqiten ministri i Drejtësisë Igor Fillkov, drejtori i Drejtorisë për Ekzekutimin e Sanksioneve Aleksandar Pandov dhe kryetarja e Shoqatës për të Drejtën Penale dhe Kriminologji, prof. dr. Aleksandra Gruevska Drakulevski. Moderator i ngjarjes do të jetë akademiku Vllado Kambovski.

 

Në kuadër të debatit do të prezantohet Draft-ligji për Probacion, i cili rregullon përmbajtjen, qëllimet dhe mënyrën e zbatimit të punëve të probacionit, si dhe kompetencat e organeve për realizimin e tyre. Ligji synon mbrojtjen e komunitetit përmes risocializimit dhe riintegrimit të kryerësve të veprave penale, si dhe rregullimin e zbatimit të masave alternative dhe mbikëqyrjes në komunitet.

 

Janë paraparë edhe prezantime tematike për aspektet praktike të probacionit, pas të cilave do të vijojë diskutim i hapur. Pritjet e organizatorëve janë që nga debati publik të dalin konkluzione dhe propozime për avancimin e tekstit të Draft-propozimit të Ligjit për Probacion.