Komisioni i huaj për ndërhyrjet kardiologjike, konstatuan gjetje të dyshimta te 9 pacientë

 

“Nga gjithsej 13 lëndë, të analizuara në lidhje me dyshimet për operacione të kryera pa nevojë, ose për udhëzime të panevojshme për operacione. Komisioni i huaj, për 4 pacientë konstatoi se, citoj: Trajtimi i ofruar në tërësi, ka qenë mjekësisht i përshtatshëm, në kohë dhe në përputhje me standardet e pranuara të praktikës klinike në botë. Për 9 pacientë të tjerë, sipas ekspertëve të huaj, po citoj…thotë kështu: Dokumentacioni tregon rezultate të dyshimta gjatë evoluimit diagnostik, p.sh.: mospërputhje ndërmjet rezultateve angiografike nga koronografia dhe raportit të shkruar, pas së cilës, ka pasur indikacion të papërshtatshëm për procedura, qoftë endokrino-vaskulare apo kirurgjikale. Lidhur me këto raste, Komisioni vlerëson se, citoj: Disa aspekte të trajtimit dhe të menaxhimit me pacientin, kanë qenë nën standardin e pritur profesional dhe mund të kenë ndikuar negativisht në rezultatin klinik të tyre.”, - deklaroi ministri i Shëndetësisë, Azir Aliu.

 

“I gjithë dokumentacioni mjekësor që ky komision analizoi u digjitalizua dhe u skanua, së bashku me dokumentet që u shqyrtuan dhe videot, ose video dokumentacioni i ndërhyrjeve të para, koronografive në veçanti dhe angiografive, iu dorëzuan këtij komisioni ekspertësh. Më besoni, edhe pse ka kaluar një periudhë e gjatë kohore, është shumë e vështirë kur duhet të analizosh dhe në fund të japësh një sintezë.”, - theksoi drejtori i Mjekësisë Ligjore, Aleksandar Stankov.

 

Ministri i Shëndetësisë tha se raporti i Komisionit të huaj, së bashku me raportin e Komisionit vendas, do t’i dorëzohen Qeverisë, Prokurorisë, Odës së Mjekëve, Inspektoratit Sanitar dhe Shëndetësor, Fondit Shëndetësor dhe Komisionit për Parandalim të Korrupsionit.