Maqedoni
Seancë e re plenare sot në Kuvend
18.05.2026 09:09
Në seancën parlamentare, një nga pikat e rendit të ditës është edhe Propozim-ligji për Qeverinë...
Në seancën parlamentare, një nga pikat e rendit të ditës është edhe Propozim-ligji për Qeverinë, me procedurë të shkurtuar, i dorëzuar nga LSDM. Kërkohet që ndalimi i shtetësisë së dyfishtë të vlejë edhe për ministrat, zëvendëskryeministrat dhe gjithë përbërjen e Qeverisë, dhe atë menjëherë.
Më herët, grupi parlamentar i VMRO-DPMNE-së dorëzoi propozim për ndryshimin dhe plotësimin e ligjit për deputetët, me të cilin vendoset kusht shtesë që deputet të mund të bëhet vetëm personi me shtetësi ekskluzivisht maqedonase.
Megjithatë, sipas zgjidhjes së propozuar, ndryshimet do të vlejnë vetëm nga përbërja e ardhshme parlamentare, e jo për deputetët aktualë.
Paraprakisht, dy orët e para do t’u kushtohen pyetjeve parlamentare të opozitës.