Politikë, Integrimi përplasi VMRO-DPMNE-në dhe LSDM-në

 

“Filipçe, anti-maqedonasi i parë, me krenari dhe kokën lart nuk i dënon fyerjet e autoriteteve bullgare, sepse për të ato komente janë krenari dhe sukses. Edhe pse nga Sofja thuhet qartë se ndryshimet kushtetuese nuk janë kërkesa e fundit, Filipçe do t’i fuste bullgarët në Kushtetutë që nesër, që më pas të mund të na bllokojnë përsëri. Filipçe, anti-maqedonasi i parë, do të bëjë gjithçka për t’i bërë dëm shtetit të tij, sepse është i shantazhuar nga një grup politikanësh bullgarë, për shkak të krimeve që ka bërë me Zoran Zaevin.”, - deklaroi Valentin Manasievski nga VMRO-DPMNE.

 

Nga ana tjetër, LSDM-ja kritikon kryeministrin Hristijan Mickoski dhe VMRO-DPMNE-në për, siç thonë ata, bllokim të procesit të integrimit në Bashkimin Evropian. Sipas LSDM-së, pa ndryshime kushtetuese dhe përfshirjen e pakicave në Kushtetutë, vendi nuk mund të vazhdojë negociatat me BE-në. Ata gjithashtu akuzojnë Qeverinë se nuk po i realizon reformat e premtuara.

 

"Çështja e pakicave nuk është çështje e bullgarëve, siç e paraqesin Mickoski dhe banda e tij, por e të gjitha pakicave, përfshirë kroatët. Vetë Mickoski pretendonte se ka shumicë absolute. Vetë thoshte se reformat do t’i zbatojë pa LSDM-në, se Kodi Zgjedhor deri më 1 qershor do të përfundonte. Vetë e hoqi Qeverinë Teknike pa konsensus. Tani le të mos kërkojë alibi nga LSDM-ja. Le t’i përfundojë reformat që i premtoi. Le t’i realizojë reformat deri më 1 qershor. Le t’i fusë pakicat në Kushtetutë dhe le të tregojë se vërtet dëshiron që Maqedonia të vazhdojë drejt BE-së.”,  - thanë nga LSDM.

 

Përplasja politike vjen në një periudhë të ndjeshme për vendin, ndërsa çështja e integrimit evropian dhe marrëdhëniet me Bullgarinë mbeten ndër temat kryesore në skenën politike.