Shkupi nikoqir i Forumit të Strategjisë së Bashkimit Evropian për rajonin Adriatiko-Jonian

 

Forumi paraqet ngjarje të nivelit të lartë, në të cilën është paraparë pjesëmarrja e përfaqësuesve të lartë nga vendet pjesëmarrëse në EUSAIR, si dhe përfaqësuesve të institucioneve të Bashkimit Evropian.

 

EUSAIR është iniciativë e vendeve anëtare të BE-së, e dorëzuar në Komisionin Evropian, dhe ka për qëllim promovimin e prosperitetit të qëndrueshëm ekonomik dhe social në rajon.

 

EUSAIR përfshin 10 vende – 4 prej tyre janë vende anëtare të BE-së (Kroacia, Greqia, Italia dhe Sllovenia) dhe 6 vende që nuk janë anëtare të BE-së (Shqipëria, Bosnja dhe Hercegovina, Maqedonia e Veriut, San Marino, Mali i Zi dhe Serbia).

 

EUSAIR gjithashtu synon edhe mbështetjen e anëtarësimit në BE të vendeve të Ballkanit Perëndimor, krijimin e sinergjive dhe nxitjen e koordinimit ndërmjet të gjitha territoreve në rajonin Adriatiko-Jonian.

 

Në forum do të përfshihen tema të ndryshme, përfshirë avancimin e zbatimit të Planit të rishikuar të Veprimit të EUSAIR-it, forcimin e bashkëpunimit në drejtim të zgjerimit të BE-së, promovimin e përfshirjes së të rinjve, përballjen me sfidat demografike dhe mbështetjen e bashkëpunimit ndërkufitar dhe integrimit rajonal.