Epidemia e Ebolës në Afrikë, kërkohet ndihmë ndërkombëtare për përballim

 

“Ky virus na prek të gjithëve, prandaj varet nga të gjithë ne që të angazhohemi dhe të ndihmojmë njëri-tjetrin.”, - theksoi ministri i Shëndetësisë – Kongo, Samuel Roger Kamba.

 

“Të gjitha komunitetet e prekura nga këto viruse duhet të marrin mbështetjen e nevojshme qeveritare dhe ne punojmë për këtë.”, - u shpreh ministri i Komunikimeve, Patrik Mujaja Katembve.

 

OBSh-ja njoftoi se një vaksinë e mundshme nuk do të jetë e disponueshme të paktën edhe për dy muaj, ndërsa së bashku me OKB-në autoritetet forcojnë reagimin ndaj shpërthimit. Janë dërguar ekipe shtesë mjekësore dhe pajisje në zonat e prekura.

 

“Agjencia ka vendosur ekspertë në terren së bashku me shërbimet kombëtare për menaxhimin e shpërthimit dhe ka dërguar 12 tonë furnizime, përfshirë pajisje mbrojtëse personale për punonjësit shëndetësorë në vijën e parë.”, - deklaroi zëdhënësi i OKB-së, Stefan Dujarriq.

 

“Mbi 100 persona janë identifikuar dhe janë vendosur në karantinë, po trajtohen nga personel mjekësor shumë i përgatitur. Kjo është e rëndësishme. Çdo gjë tjetër është shpërqendrim. Uganda është përballur me sukses me Ebolën edhe më parë.”, - theksoi Alan Kasuja nga Qendra Mediale e Ugandës.

 

Një mjek amerikan i infektuar me virusin vdekjeprurës në Kongo është transferuar për trajtim në Gjermani. Mbërritja e tij në aeroportin e Berlinit u zhvillua nën protokolle ekstreme sigurie dhe shoqërim të fortë policor, me qëllim parandalimin e përhapjes së infeksionit edhe në Evropë. Ministria e Shëndetësisë e Çekisë njoftoi gjithashtu se po përgatitet të pranojë një shtetas amerikan për të cilin dyshohet se është infektuar me Ebola.