Botë
Protesta studentore dhe qytetare në Beograd, arrestime dhe incidente në vende të shumta
24.05.2026 17:07
Incidente të shumta dhe një kaos i madh është regjistruar ditën e djeshme...
Incidente të shumta dhe një kaos i madh është regjistruar ditën e djeshme në më shumë lokacione të Serbisë, gjatë protestave të mëdha të mbajtura në Beograd ku kërkohen zgjedhje të parakohshme.
Mediat serbe raportojnë për dhjetëra të rinj dhe për shumë studentë të cilët janë parë të rrëzuar përtokë, pasi hodhën shishe uji drejt xhandarmërisë, në momentin kur kjo e fundit filloi ndërhyrjen.
Turma hodhi gjithashtu mjete shpërthyese drejt njësitit policor serb.
Ministri i Brendshëm serb, Ivica Daçiç tha se 23 persona ishin ndaluar për sulme ndaj oficerëve të policisë dhe se disa oficerë u plagosën.
Edhe presidenti serb Aleksandar Vuçiq, u bëri thirrje studentëve për dialog. Studentët në bllokadë "treguan natyrën e tyre të dhunshme", jo një program politik, dhe se dhuna i dërgon botës një imazh të keq të Serbisë.
Protesta e organizuar nga studentët në bllokadë, fillimisht ishte paqësore por më vonë situata doli jashtë kontrollit. Raportimet nga media e huaja bëjnë të ditur që në tubim morën pjesë dhjetëra mijëra qytetarë, dhe studentë të cilët prezantuan një pjesë të programit të tyre në lidhje me arsimin, ekonominë, drejtësinë dhe reformat institucionale.