Gjykimi për ish-gjykatësin Gjoko Ristov, jam i pafajshëm, 350 mijë eurot nuk janë të mia

 

 

“Në thelb për mosparaqitjen e pronës edhe atë ato 350 mijë euro që janë gjetur e për të cilat mund të të trejgojmë me një matematikë dhe bazë të thjeshtë finansiare se nuk mund të jetë pronë që e ka poseduar në mënyrë legale. Kjo vepër penale në thelb i nënkupton ato elemente”, deklaroi Iskra Haxhivasileva nga Prokurore Publike.

 

Nga ana tjetër, mbrojtja i quajti akuzat “narrativë hollivudiane”, duke theksuar se nuk ekzistojnë prova që e lidhin Ristovin me paratë e gjetura. Avokati Zvonko Davidoviq deklaroi se pasuria u përket prindërve të tij dhe është fituar në mënyrë legale. Akuzat për larje parash i quajti sensacionalizëm.

 

“Mjekësia ligjore do ta bëjë atë ekspertizë . Kemi shumë vërejtje edhe të dëshmive që janë siguruar dhe mënyrën e mbledhjes së tyre dhe këtë do ta dëshmojmë gjatë procedurës.Është kërkuar ekspertizë finansiare e cila është pothuajse në përfundim, është kërkuar ekspertizë grafologjike. Është shumë e dyshime pasi që në të gjitha qeset në të cilat janë gjetur paratë në folitë e aluminiumit ekzistojnë numra të shkruar në secilën prej saje dhe duhet të vërtetojmë se shkrimi i kujt qëndron aty”, deklaroi avokati Zvonko Davidoviq.

 

Rasti ka tërhequr vëmendje të madhe publike, veçanërisht për shkak se Ristov për vite me radhë ka qenë pjesë e sistemit gjyqësor penal, ndërsa tani përballet vetë me drejtësinë si i akuzuar. Ristov ra në sy pasi fillimisht u arrestua ish-avokati i shtetit, Fehmi Stafa për të cilin u tha se kishte kërkuar para për të siguruar arrest shtëpiak te te gjykatësi Ristov.