Maqedoni
Mickoski: Ligji për Antikorrupsion i LSDM-së, mendova se ishte për rubrikën "Besoje ose jo"
02.06.2026 11:47
Mickoski kritikoi ashpër njoftimin e kreut të LSDM-së për të përgatitur një ligj të ri për të luftuar korrupsionin...
Kryeministri Hristijan Mickoski kritikoi ashpër njoftimin e kreut të LSDM-së, Venko Filipçe, për të përgatitur një ligj të ri për të luftuar korrupsionin, duke e vlerësuar iniciativën si të pavlerë dhe kontradiktore. Mickoski tha se kur dëgjoi për këtë ide, mendoi se ishte diçka që mund të gjendej në rubrikën "Besoje ose jo". Ai hodhi një sërë akuzash ndaj udhëheqjes së LSDM-së, duke pretenduar se pikërisht njerëzit që sot flasin për luftën kundër korrupsionit kishin marrë pjesë më parë në ndryshimet në Kodin Penal, të cilat, sipas tij, fshinë disa dispozita që lidhen me përgjegjësinë penale.
“Ata pa turp po i dëgjojmë veç më dhjetë ditë me radhë se si bindin publikun për disa platforma dhe fronte për luftën kundër korrupsionit, ndërkohë që harrojnë se çfarë bënë kur ishin në pushtet. Ata po përpiqen të paraqiten si viktima të persekutimit politik. Por, nuk duhet të kenë frikë, sepse ligjet dhe Kushtetuta kanë qenë në fuqi në këtë vend për dy vjet dhe ato po zbatohen. Nëse janë vërtet të pafajshëm siç pretendojnë, atëherë nuk duhet të kenë frikë nga ndonjë procedurë ligjore. Por, unë nuk besoj se gjërat qëndrojnë kështu.”, - deklaroi kryeministri, Hristijan Mickoski.