ShBA-ja do të mbetet në NATO, Rubio: Aleanca veriatlantike duhet të reformohet

 

Sipas sekretarit të shtetit, Marko Rubio, qeveria amerikane dëshiron të mbetet anëtare e NATO-s, por kërkon reforma. Duke folur para Komitetit për Çështjet e Jashtme të Dhomës së Përfaqësuesve në Uashington, Rubio deklaroi se presidenti Tramp do të marrë pjesë në samitin e NATO-s muajin e ardhshëm në Turqi. Atje, ai do të paraqesë kërkesën e ShBA-së për ndryshim dhe përsëri do të bëjë thirrje për aleatët që të rrisin shpenzimet e tyre për mbrojtje. Megjithatë, aleanca ushtarake duhet të reformohet. Samiti do të mbahet më 7 dhe 8 korrik në Ankara.

 

“Ne jemi ende anëtarë të NATO-s, por NATO-ja ka nevojë për ndryshime të thella dhe presidenti e ka bërë të qartë këtë.”, tha Rubio.

 

Trampi është veçanërisht i irrituar nga fakti që disa vende të NATO-s, veçanërisht Spanja, refuzojnë ta lejojnë ShBA-në të përdorin bazat ajrore për luftën kundër Iranit. Sekretarit të shtetit të ShBA-së iu bë gjithashtu pyetje për kërkesën e Trampit në lidhje me kontrollin e Grenlandës. Grenlanda është “për momentin” pjesë e Danimarkës, tha Rubio. Diskutimet për përdorimin e këtij territori për qëllime të mbrojtjes kolektive janë në zhvillim e sipër. Ministri nuk dha asnjë detaj. “Mendoj se do të kemi disa lajme shumë të mira.”.