Qeveria dhe pushteti lokal, projekte për higjienën dhe infrastrukturën

 

“Ajo që është me rëndësi do të thoja është projekti BRT, më në fund e zhbllokuam procesin. Kemi marr përkrahje nga Qeveria dhe tani po përgatitemi që ta fillojmë fazën preliminare, e cila do të ndikojë në mobilitetin e Shkupit. Me mobilitet unë kuptoj qarkullim të shpejtë të komunikacionit nga njëra anë dhe nga ana tjetër infrastrukturë për biçikleta, që duhet ta ndërtojmë në tre deri në katër vitet e ardhshme.”, - deklaroi kryetari i Shkupit, Orce Gjorgjievski.

 

“Shohim se ka gjithnjë e më shumë nevojë për automjete personale që sjell në pritje të gjata dhe ndotjen e qyteteve. Ky nuk është problem vetëm për Maqedoninë e Veriut, prandaj theksin duhet vënë te mobiliteti i qëndrueshëm urban.”, - theksoi drejtoresha e Bankës Botërore, Karol Mezhevan.

 

Ministri i Transportit dhe Lidhjeve, Aleksandar Nikollovski, tha se në dy vitet e kaluara janë investuar mbi 25 milionë euro për infrastrukturën lokale rrugore.

 

“Janë rehabilituar 96 rrugë në 72 komuna në gjatësi prej 72 kilometra, ndërsa në fazën e rikonstruimit janë edhe 31 kilometra rrugë, që do të thotë se diku 103 kilometra rrugë janë ndërtuar plotësisht të reja apo janë në ndërtim e sipër në këtë moment, me përkrahje të BNjVL-së dhe Bankës Botërore. Po ashtu do të doja të paralajmërojë përkrahjen më të madhe deri më tani për përkrahjen e mbajtjes dhe përmirësimit të higjienës në komuna. Do të blihen 49 automjete të llojeve të ndryshme që duhet ta ndihmojnë qytetin e Shkupit dhe komunat tjera për përmirësimin e gjendjes me higjienën.”, - u shpreh ministri i Transportit dhe Lidhjeve, Aleksandar Nikollovski.

 

Ministri Nikollovski njëherësh paralajmëroi promovimin e projekteve të reja gjatë javës së ardhshme.