Në Kuvend seanca do të mbajnë disa komisione

 

Komisioni për Çështje Evropiane do ta shqyrtojë Propozim-ligjin për udhëheqës të lartë, në lexim të parë, ndërsa Komisioni për Çështje Ekonomike, Punë dhe Politikë Energjetike do t’i shqyrtojë Propozim-ligjin për shfrytëzimin e energjisë nga burimet e rinovueshme dhe Propozim-ligjin për ndryshimin dhe plotësimin e Ligjit për automjete, gjithashtu në lexim të parë.

 

Me ndryshimet e Ligjit për automjete përcaktohen kushtet për vendosjen në treg dhe fillimin e përdorimit të automjeteve, regjistrimi dhe rregullsia teknike e automjeteve, kushtet për kryerjen e punëve të shërbimeve teknike, personat juridikë për kontroll teknik dhe personat juridikë për regjistrim, si dhe regjistri i të dhënave për automjetet. Qëllimi i ndryshimeve dhe plotësimeve të propozuara të Ligjit për automjete është të precizohet procedura për marrjen e autorizimit nga personi juridik për kryerjen e kontrollit teknik të automjeteve që të kryejë vazhdimin e regjistrimit të automjeteve.

 

Anëtarët e Komisionit për Sistem Politik dhe Marrëdhënie ndërmjet Bashkësive do t’i shqyrtojnë Propozim-ligjin për shërbimin gjyqësor dhe Propozim-ligjin për shërbimin prokurorial publik, në lexim të parë.

 

Në rend dite të Komisionit për Mbrojtje dhe Siguri është Propozim-ligji për armët, në lexim të parë.