Konferencë për transformimin digjital të Ballkanit Perëndimor në Shkup

 

Konferenca do të sigurojë platformë për identifikimin, diskutimin dhe përballjen me mundësitë dhe sfidat që e formësojnë peizazhin digjital të Ballkanit Perëndimor, me fokus në avancimin e transformimit digjital, forcimin e bashkëpunimit rajonal dhe promovimin e ekosistemeve digjitale të sigurta dhe rezistente.

 

Konferencën do ta hapin ushtruesja e detyrës shefe e misionit në Ambasadën e SHBA-së, Nikol Varns, dhe ministri për Transformim Digjital, Stefan Andonovski. Në konferencë marrin pjesë përfaqësues qeveritarë dhe ekspertë teknikë nga i gjithë Ballkani Perëndimor, si dhe kompani udhëheqëse amerikane të industrisë, me qëllim avancimin e partneriteteve që mbrojnë sovranitetin digjital dhe forcojnë ekonomitë.