Kuvendi me një agjendë të gjerë, emërime, ligje dhe amendamente

Kuvendi Republikan vazhdon sot seancën e radhës, ku deputetët pritet të shqyrtojnë disa projektvendime për zgjedhje dhe emërime në institucione dhe organe të ndryshme, projektvendime për ndryshimet në përbërjen e komisioneve parlamentare dhe grupeve parlamentare për bashkëpunim me parlamentet e vendeve të tjera, si dhe një vendim për publikimin e një njoftimi publik për zgjedhjen e anëtarëve të Këshillit për Mbikëqyrje Civile.

Në rendin e ditës do të shqyrtohen gjithashtu disa zgjidhje legjislative në lexim të parë, duke përfshirë projektligje për procedurën civile, shërbimin gjyqësor dhe prokurorial publik, përfaqësimin adekuat dhe të drejtë, lojërat e fatit, si dhe ndryshimet në ligjet për shërbimet mediatike audio dhe audiovizuale, TVSh-në dhe automjetet.

Deputetët do të debatojnë gjithashtu disa propozime legjislative me procedurë të shkurtuar që lidhen me fusha të tilla, si menaxhimi i pronës së konfiskuar, komunikimet elektronike, gjyqësori, ndërtimi, efikasiteti i energjisë, shërbimi ushqimor, bujqësia dhe planifikimi urban.

Ndër pikat është projekt kodi i sjelljes etike të deputetëve, si dhe ndryshimet dhe plotësimet në Strategjinë e Zhvillimit Rajonal 2021–2031.