Dramë në Rio de Zhaneiro, zv/ konsulli rus vret një grabitës

Vigjilja e Lojrave Olimpike është trazuar pasi  zëvendëskonsulli i Rusisë në Rio, Marcos Cesar Feres Braga, vrau një grabitës në një zonë që shtrihet mes Parkut dhe fshatit olimpik. 

 

Diplomati 60-vjecar, u sulmua nga 2 njerëz të armatosur mbi një motor, ndërkohë që po udhëtonte bashkë me bashkëshorten dhe djalin e tij.

 

Dy grabitësit duke përfituar nga trafiku i rënduar, i janë afruan automjetit në anësore dhe pas një debati të ashpër me drejtuesin makinës kanë thyer xhamin duke e kërcënuar me pistolete diplomatin, por ky i fundit u ka rrëmbyer armën dhe nga përleshja ka vrarë njërin prej tyre. 

 

Kjo është hera e parë që pas ngjarjes dramatike të Olimpiadës së vitit 1972, që një ngjarje kaq e rëndë ndodh pranë zonës olimpike.

 

Trupi i pajetë i grabitësit ka qëndruar për një kohë të gjatë në asfalt, derisa u dërgua në morg nga forcat e rendit. 

 

Vetëm pak caste para se të ndodhte ngjarja, në atë pjesë të Rios kishte kaluar pishtari olimpik, në ditën e parafundit të një udhëtimi të gjatë, i mbajtur nga një grup ciklistësh që po bënin stërvitje.