Reshje të reja të shiut, ulje drastike të temperaturave

Kështu sot paralajmëruan nga Drejtoria për punë hidrometeorologjike. Nga ky institucion bëjnë me dije se nga orët e pasdites pjesa veriore e vendit do të bie nën ndikimin e masës së lagshtë ajrore ndaj në këtë pjesë janë të mundshme reshje të shiut.

Sipas sinoptikanëve prej nesër pasdite aktiviteti i ciklonit dë të përfshijë thuajse gjithë Maqedoninë, pas çka priten reshje të dendura, bubullima dhe erë e fuqishme, si dhe rënie e përnjëhershme e temperaturës për rreth dhjetë gradë Celsius, ndaj edhe breshëri është i mundshme të jetë me intensitet të ulët, gjegjësisht me grimca më të vogla.

Metorologët bëjnë thirrje,që në ditët e ardhshme të jenë veçanërisht të kujdesshëm barinjtë dhe bujqit të qëndrojnë në vend të sigurta përderisa të përfundojnë bubullimat që sipas parashikimit të tanishëm në ditët e ardhshme do të jenë të pranishme në thuajse gjithë Maqedoninë.

Bujqit, nga ana tjetër, t’i mbrojnë të mbjellat me çka do të parandalojnë shkatërrimin e tyre nga breshëri i paralajmëruar.

Sipas parashikimeve të tanishme, të premten pritet stabilizimi i motit dhe ngritja e temperaturave.

Mjekët poashtu rekomandojnë deri të sëmurët kronik që ta marrin rregullisht terapinë me çka do të shmangin pasojat e mundshme të padëshiruara për shkak të dallimeve të temperaturave.

GYLTENE SINANI