Rusia heq ndalesën për fluturime çarter për në Turqi

Kryeministri rus, Dmirtry Medvedev ka nënshkruar një urdhëresë për heqjen e një ndalimi që ishte në fuqi pë nëntë muaj mbi fluturimet çarter për në Turqi.

Kjo urdhëresë është publikuar sot në faqen zyrtare të Qeverisë ruse. Kompanitë ajrore kanë filluar të dorëzojnë aplikimet tek autoritetet ruse për fluturimet çarter për në Turqi, tha ministri i Transportit, Maksim Sokolov, përmes një deklarate për media.

Ky veprim vjen pasi presidentët e Turqisë dhe Rusisë janë zotuar që të hapin një fazë të re të marrëdhënieve, pasi Vladimir Putin e priti në Shën Petersburg këtë muaj, presidentin turk Recep Tayyip Erdogan.

Ndalimi i fluturimeve çarter në mes të Rusisë dhe Turqisë, ishte një prej sanksionve të vendosura nga Moska, pas rrëzimit nga autoritetet turke të një avioni ushtarak rusë, në nëntor të vitit 2015.