Vazhdojnë dridhjet në Itali, lëkundje në afërsi të Amatriçes, banorët në panik

Të tjera lëkundje sizmike janë ndjerë në afërsi të Amatriçes, qytet tashmë i shkatërruar si pasojë e lëkundjes 6.2 ballë.

 

Gjatë natës u regjistrua fillimisht një tërmet me magnitudë 3.5 ballë i ndjekur disa orë më pas nga një dridhje 3.2 ballëshe.

 

Nuk ka pasur dëme, shembje banesash apo të lënduar, por frika ka pushtuar banorët e këtyre zonave.

 

Por, teksa tërmeti nuk ndalet, Amatrice, Akumoli dhe Rieti po luftojnë me motin e keq për të ndërtuar sa më parë jetën e humbur, shkollat, infrastrukturën rrugore, institucionet e shërbimit dhe gjithçka që humbën atë natë të frikshme të 24 gushtit. Që nga ajo natë e kobshme janë regjistruar 5. 300 lëkundje.