Irak, 10 të vararë 28 të plagosur

Së paku 10 persoan janë vrarë dhe 28 të tjerë janë plagosur, nga sulmet vetëvrarëse në një qendër tregtare në kryeqytetin Bagdad në Irak, kanë njoftuar burime policore dhe mjekësore.

Një sulm ndodhi në hyrje të qendrës, ndërsa tjetri në një vend parkim të veturave.

Përgjegjësinë për këto sulme e ka marrë grupi ekstremist, Shteti Islamik. Agjencia e Shtetit Islamik, Amaq, raportoi se dy sulmues vetëvrasës, njëri me jelek dhe tjetri në veturë, e kanë sulmuar një “tubim të shiitëve” në Bagdad.

Militantët e IS-it, kanë humbur terren, për shkak të sulmeve të forcave qeveritare, të mbështetura nga Shtetet e Bashkuara, dhe milicitë shiite të përkrahura nga Irani.