AKE: Ulet numri i ankesave, vetëm 800 në 2018-n

 

“Rreth 30% e paraqitjeve kanë të bëjnë me konsultime për mënyrën e ankesave për disa shërbime të cilat nuk i plotësojnë kushtet nga ana e operatorëve. Po ashtu 30% të paraqitjeve janë për llogaritë dhe 1/3 e ankesave janë për cilësinë e shërbimeve”,- u shpreh drejtori i AKE-së, Sasho Dimitrijoski.

 

Qytetarët thonë se kanë kujdes se cilat shërbime i aktivizojnë dhe sa harxhojnë për telefon celular.

 

“Mendoj se llogaria është reale, sepse ende nuk e kam vërtetuar të kundërtën”,- theksoi një qytetar.

 

“Lajmërohen në telefon për llogari të vonuar edhe pse llogaria është paguar dhe menjëherë e lëshojnë celularin”,- u shpreh një qytetar. 

 

Nga AKE thonë se ende po punohet për operatorin e të tretë të telefonisë celulare  dhe përafrimin e Maqedonisë me çmimet për roamnig drejt shteteve evropiane.

 

“Në kuadër të agjendës digjitale për vendet e Ballkanit Perëndimor u kyç edhe kjo nismë dhe u insistua që vendet e Ballkanit perëndimor të lidhin kontrata përmes të cilave do të ulen çmimet e shërbimeve roaming. Ne insistojmë që kjo të realizohet sa më shpejt dhe kjo të jetë në nivelin që e posedon Europa për momentin e ajo është “Roaming si në shtëpi””,- tha drejtori i AKE-së, Sasho Dimitrijoski.

 

Agjencia  për Komunikime Elektronike vazhdon të jetë në shërbim të ankesave të qytetarëve, në numrin 190, ku të gjithë shfrytëzuesit mund t’i paraqesin problemet eventuale në sferën e komunikimeve elektronike.