Rasti “TNT”, Canovski kërkon 40 mln euro dëmshpërblim

Në gjykimin e radhës për Rastin “TNT”, Canovski tha se rrënimi i këtij objekti ka qenë kryekëput për shkaqe politike e jo për parregullsi gjatë ndërtimit të tij. 

 

Gjykimi për këtë rast, i cili ndodhet në procedurë dëshmuese, vazhdoi me leximin e dëshmive të dëshmitarëve, Meri Stançevska, e cila ende është e pakapshme për organet e rendit, si dhe nga Trajko Trpevski, i cili ka ndërruar jetë në korrik të vitit të kaluar e që janë pronarë dhe të punësuar në një pjesë të firmave të cilat kanë rrënuar objektin e Canovskit. 

 

PSP në rastin “TNT” akuzon gjithsej 7 persona, në mesin e të cilëve ish kryeministrin në arrati, Nikolla Gruevskin, ish ministrin për transport dhe lidhjen Mile Janakievskin, dhe ish kryetarin e komunës së Gazi Babës, Toni Trajkovskin.

 

Prokurorët specialë më herët u deklaruan se kjo vepër penale është rezultat i hakmarrjes për motive politike dhe me këtë kanë dëmtuar biznesmenin “Canovski” me rreth 16 milion euro.