“Ballkan Mediteran”, 50 pjesëmarrës në trajnimin për sektorin digjital

50 pjesëmarrës nga Maqedonia, Shqipëria, Greqia, Bullgaria dhe Qiproja janë mbledhur në Shkup në trajnimin treditor mbi trajnime modulare shumë të sofistikuara në fushën e sipërmarrjes dhe pesë sektorëve tjerë: projektet IT, energji, teknologjitë e informacionit, ekologji, stilin e jetës dhe teknologjinë e lartë. 

 

“Në 2015 u shpall thirrja për aplikim të projekteve, e cila kapte vlerën prej 31 milion euro, rreth vitit 2016-2017, dhe u kontraktuan 37 benificientë. Qendra për Menaxhim me Njohuritë është i vetmi benificientë që është udhëheqës i programit nga të gjithë programet që implementohen në programin “Ballkan Mediteran””,- tha ministri i vetëqeverisjes lokale, Suhejl Fazliu. 

 

“Qëllimi i këtyre trajnimeve është të ndihmojnë sipërmarrësit ekzistues të krijojnë ide të forta për bizneset e tyre, por edhe për ata që duan të fillojnë, si të arrijnë ide të suksesshme, u mundëson të lidhen fuqishëm me rajonin për të gjetur partnerë të përshtatshëm dhe të besueshëm me të cilët mund të bashkëpunojnë”,- theksoi drejtoresha e Qendrës për Menaxhimin me Njohuritë, Andrijana Bogdanovska.

 

Pjesëmarrësit thonë se ky trajnim për studentët është një ndihmesë për të zgjidhur probleme të ndryshme në fushën e informatikës.

 

“Duke mësuar sa më shumë edhe nga vendet tjera, nga kultura e tyre por edhe nga mënyra e tyre se si ata zhvillojnë ose si mundohen të krijojnë softuerë ose probleme të ndryshme në fushën e informatikës na bënë më të përgatitur për atë se çfarë kërkon tregu i huaj, ose çfarë i mungon Shqipërisë, çfarë i duhet më tepër”,- u shpreh përfaqësuesja e Shqipërisë, Kejdi Baqa.

 

Trajnimi organizohet në kuadër të projektit “Edukimi për idetë dhe inovacionet”.