Situata me zjarret, tre vatra ende aktive në Saraj, Berovë e Q.Zhupë

 

“Në afërsi të fshatit Rahoviç në Saraj ka shpërthyer zjarr. Atje për një moment janë parë 10 pika të zjarreve në një linjë prej 2 km dhe një pikë e veçantë e zjarrit, 5-6 km nga pikat e tjera. Mëngjesin e së shtunës janë vërejtur zjarre me mundësinë për t’u përhapur nga fshati Bukoviç në fshatrat Çajlanë dhe Matkë.”, tha Nadica Vaçkova, Qendra për Menaxhimin e  Krizave.

 

Zjarri në hapësirën midis fshatrave Barovo dhe Veshje është ende aktiv dhe është përhapur në pllajën e Vitaçevës, drejt fshatit Stragovë të Kavadarcit. Rreth 60 pjesëtarë të policisë ishin në Barovë së bashku me pjesëtarët e ushtrisë, por  në mëngjes policët janë tërhequr duke qëndruar gjithsesi në gadishmëri.  Ekspertët francezë ndërhynë me kundërzjarr për të ndërtuar një linjë të sigurtë rreth fshatit.

 

“Zjarri u përhap nga më shumë drejtime dhe gjatë natës intensiteti ishte më i fortë në zonën e Barovës, në fshatin Besvicë dhe në drejtim të fshatit Veshje. Ne përdorim metodat që janë aktualisht të mundshme për tu përdorur në zonat e caktuara, jemi në terren dhe për metodën e ndërhyrjes vendoset  drejtpërdrejt nga terreni dhe , nëse është e nevojshme, angazhohen edhe helikopterët të koordinuar me zjarrfikësit.”, tha Vaçkova.

 

Zjarr aktiv ka  edhe në zonën e fshatit Gorno Melniçani në Qendër Zhupë.  Ndërkohë që është  lokalizuar zjarri pranë fshatit Ermenicë  në komunën e Kratovës . Zjarret në zonën e fshatrave Grumazi dhe Iveni në komunën e Novacit, deponia e djegur në Radovish, si dhe zjarri pranë fshatit Shipkovica në malin Plaçkovi u shuan plotësisht.