Maqedoni
Covid 19, kafe me rregulla të reja, dëshmi vaksinimi ose se jeni shëruar para 45 ditësh
14.08.2021 14:54
Qytetarët, që e kanë kaluar Covid 19 në 45 ditët e fundit, do të mund të shkojnë edhe të pavaksinuar në kafene....
Qytetarët, që e kanë kaluar Covid 19 në 45 ditët e fundit, do të mund të shkojnë edhe të pavaksinuar në kafene, restorante dhe evente të tjera ku nga e hëna do të kërkohet certifikatë vaksinimi. Kjo është risia që e paralajmëroi Ministri i Shëndetësisë Venko Filipçe, si plotësim i masave që nga 16 gushti do të fillojnë të zbatohen në vend. Nuk sheh asnjë problem ligjor në kontrollin që do u bëhet qytetarëve para se të hyjnë në kafene apo restorante. Sipas tij, vaksinimi ëhstë shpëtimi I vetëm pasi 90 përqind nga raste e reja janë të pavaksinuar, ndërsa nga të vaksinuarit vetëm 0.002 përqind janë infektuar.
“Përveç çertifikatës për vaksinim, mjafton që të tregohet edhe vërtetimi që pacienti ka qenë i sëmurë nga Kovidi 45 ditët e kaluara. E tëra kjo situatë, dëshmon se zgjidhje e vetme është që të rritet numri i perosnave të vaksinuar. Interesimi është rritur pas paralajmërimit për masa të reja. Nëse qytetarët kanë dilema dua t’i inkurajoj që të vaksinoihen. Kemi biseduar me Agjencinë për Mbrojtjen e të Dhënave Personale, nuk ka asnjë shkelje ligjore nëse kontrollohen qytetarët se a janë të vaksinuar ose jo.”, tha Venko Filipçe, ministër i shëndetësisë.
Filipçe: Dasmat e festimet, sollën klasterë të rinj
Repartet infektive në Tetovë, Gostivar, Kumanovë dhe Kërçovë janë drejt mbushjes, janë duke u aktivizuar edhe qendrat Covid të tjera. Problematike edhe më tej mbeten dasmat e festimet. 40 përqind të personave të infektuar kanë qenë në vende ku ka pasur tubime masive. Për momentin nuk mendohet ndërkohë vendosja e vaksinimit si kusht për të hyrë në vend.
“Kjo nuk është çudi edhe vitin e kaluar problem ishin klasterët ku kishte tubime masive. Sa i përket vendosjes eventuale për hyrje dhe dalje nga shteti ende ëshë herët të flitet, sepse ky është hap i parë i cili ka për qëllim nxitjen e vaksinimit.”, tha Filipçe.
Nga 16 gushti, nuk do të funksionojnë ambientet e mbyllura të kafeve e restoranteve, por edhe në ambientet e hapura kapaciteti i klientëve do të jetë vetëm 30% edhe ata duhet të vërtetojnë se janë tërësisht të vaksinuar, ose se e kanë kaluar virusin në 45 ditët e fudnit. Qeveria thotë se ëhstë detyrë e objekteve gastronimike të sigurojnë persona që do të kontrollojnë certifikatat e vaksinimit të klientëve. Pritet të shihet si do të funksionojë kjo masë, pasi gastronomët kanë paralajmëruar tashmë se nuk kanë ndërmend të bëjnë rolin e policit për të kontrolluar klientët e tyre.
FLUTURA LATIFI