Maqedoni
Stojkovski akuzon për parregullsi: Në IMJ rishikohet leja e integruar “A” për drisllën
17.08.2021 14:28
UD drejtor i Inspektoratit Shtetëror për Mjedisin, Sreten Stojkovski....
UD drejtor i Inspektoratit Shtetëror për Mjedisin, Sreten Stojkovski, ankohet për dobësitë dhe parregullsitë që ka gjetur në këtë institucion nga ish drejtoresha Ana Petrovka që u shkarkua javë më parë, të cilin e akuzon për dobësi në menaxhim, shpenzim të papërshtatshëm të mbi tre milionë denarëve të fondeve buxhetore pa raporte për punën e kryer, mungesën e regjistrave të ardhjes në punë dhe shpenzime të tjera që tejkalojnë kompetencat e drejtorit. Për këtë ka njoftuar edhe policinë financiare dhe antikorrupsionin. Ankesa edhe për dhënien e lejes së integruar A, për deponimin e mbeturinave të rrezikshme në "Drisla". Kontrolle do të ketë edhe për lejen për lindanin në “Ohis”.
“Pas ankesave të qytetarëve për asgjësimin e mundshëm të mbeturinave të rrezikshme të NP "Drisla", u shqyrtua dokumentacioni për marrjen e lejes së integruar A. Është përcaktuar se edhe Inspektorati i Mjedisit ka marrë pjesë në procedurat për dhënien e lejes. Do të fillojmë një inspektim të jashtëzakonshëm në NP "Drisla", rreth instalimit për trajtimin dhe ruajtjen e 36 kodeve të mbeturinave të rrezikshme. Pastaj do të fillojmë një procedurë për rishikimin e licencës së lëshuar. Inspektimet e instalimeve me leje të integruara A do të vazhdojnë dhe një aktivitet i rëndësishëm i Inspektoratit do të jetë kontrolli i aktiviteteve për pastrimin e deponisë së vogël me lindan në "Ohis", duke filluar nga 15 shtator 2021.”, tha Sreten Stojkovski, U.D. Drejtor i Inspektoratit Shtetëror për Mjedisin.