Masat e reja, SHOE: Janë të pazbatueshme në praktikë

 

“Në praktikë ndodh që gjatë inspektimit të kërkohet një certifikatë vaksinimi për të gjithë personat në objekt, duke mos bërë dallim midis punonjësve dhe vizitorëve, kështu që ekziston mundësia për të kufizuar zgjedhjen personale të punonjësve nëse duan të vaksinohen… Dykuptimësia e masave nga qeveria i vë në një pozitë të palakmueshme punëdhënësit që nuk e dinë nëse dhe si të veprojnë. Në të njëjtën kohë, edhe pse për personat nën 18 vjeç nuk ka ndonjë dispozitë që kërkon që ata të paraqesin një certifikatë Covid, në praktikë në shumë raste,  ata nuk lejohen të hyjnë me shpjegimin nga policia se "duken" më të vjetër se sa janë në të vërtetë, e këtë gjë ata  nuk kanë si ta provojnë. Është gjithashtu e paqartë nëse personat nën 18 vjeç regjistrojnë numrin e përgjithshëm prej 30 personash në objekt  i cili është kusht me masat shtesë.”,- tha Aleksandra Аndreeva nga Shoqata e Odave Ekonomike.

 

Teksa kërkohet certifikatë vaksinimi për kafenetë, restorantet e qendrat tregtare, asnjë dokument nuk duhet paraqitur në autobusët urbanë, ku mundësia për infektim është më e lartë. Nga SHOE thonë se ka hapësirë për interpretim dhe zbatim arbitrar të sanksioneve nga institucionet, madje po shfaqet edhe  fenomeni i tregtisë me certifikata vaksinimi, e objektet gastronomike nuk kanë asnjë mënyrë për të përcaktuar besueshmërinë e tyre.