Rrahu për vdekje të renë dhe e braktisi në derën e spitalit, arrestohet autori i krimit në Kosovë

 

Dardan Krivaqa, i dyshuari për vrasjen e 18-vjeçares M.O. me të cilën sapo ishte martuar, është arrestuar në një fshat në afërsi të Ferizajt.

 

Hetimet nisën pasi të dielën pasdite, trupi i pajetë i një vajze ishte dërguar nga dy persona në Urgjencën e Ferizajt, të cilët pastaj ishin larguar në drejtim të panjohur.

 

Prokuroria e Ferizajt tha gjithashtu se i akuzuari kryesor për vrasjen, Krivaqa, dyshohet se për motive të dobëta, e ka keqtrajtuar fizikisht të ndjerën M.O., e cila si pasojë e lëndimeve të marra ka ndërruar jetë.

 

Në Ferizaj sot po mbahen protesta kundër dhunës ndaj grave.