ITShKSh, u shënua përvjetori i lindjes së Nënë Terezës

 

“Dita e sotme që ndërlidhet me ditëlindjen e Nënë Terezës mund të na shërbejë si një shkas për të reflektuar dhe të hequr me veprimet tona. Gjithë vëmendjen ndaj kësaj figure kolosale shpresoj që kjo vëmendje tash e tutje do të ketë fokusin e merituar nëpër institucionet shtetërore duke kaluar nga evokimi në materializëm të figurës së Nënë Terezës, përmes një kornize juridike e cila do të shpallet aset shtetëror në mbrojtje të ligjit.”,- tha drejtori i ITShKSh-së, Skender Asani. 

 

Edhe profesori, Anton Nik Berisha, tha se figura e Nënë Terezës ka nevojë për një kujdes më të madh institucional. 

                                      

“Instituti me elaboratin që e kam në dorë ka dëshmuar një vetëdijesim të lartë për t’u bërë të ditur organeve përkatëse se duhet ta bëjnë pjesë të jetës shoqërore, kulturore dhe politike, sepse Nënë Tereza është simbol i cili i afron kulturat i afron njerëzit, i afron pikëpamjet dhe mundëson një veprimtari të përbashkët që është një bazë e rëndësishme për zhvillimin dhe përparimin e shtetit tonë.”,- u shpreh shkrimtari dhe studiues i letërsisë shqiptare, Anton Nik Berisha.

 

Elaborati i ITShKSh-së është përgatitur në tre gjuhë, në shqip, maqedonisht dhe anglisht. Përveçse nëpër institucionet shtetërore së shpejti do të dërgohet edhe në zyrat e diplomatëve të huaj. Manifestimi kulturor i quajtur “Drita e Gonxhes” nga  ky vit do të jetë tradicional dhe do të manifestohet deri më 5 shtator.