Carovska: Gjithçka gati për mësim me prezencë fizike

 

“Shkollat janë të përgatitura për të gjithë skenarët për mësim që duhet realizuar në vitin shkollor 2021-2022. Vendimi ynë për të filluam me prezencë fizike, i qeverisë me rekomandim të Komisionit për Sëmundje Infektive, është në interes të fëmijëve. Mësimi me prezencë fizike nuk ka zëvendësim, jo vetëm për shkak të procesit të mësimit, por edhe për shkak të procesit të socializimit dhe mbrojtjen e shëndetit mendor të fëmijëve tanë. Ne jemi prind dhe të gjithë jemi dëshmitarë se fëmijët tanë mësuan vitin e kaluar shkollor, por ishim dëshmitarë se ju munguan shokët dhe mësuesit dhe pikërisht atë gëzim e kthejmë në sytë e fëmijëve. Por, e kthejmë edhe gëzimin e arsimtarëve, sepse ata nuk janë të plotësuar nëse nuk janë në klasë me nxënësit e tyre.”,- deklaroi Milla Carovska nga MASh.

 

 

Mësimi në pjesën më të madhe të shkollave fillore dhe të mesme të vendit do të fillojë me prezencë fizike, përveç në komunat e Pollogut, ku me kërkesë të shtabeve të krizës për shkak të numrit të madh të infektimeve me Kovid-19 në shkollat e mesme në Tetovë dhe Gostivar, u vendos që mësimi të fillojë online. Komisioni për Sëmundje Infektive ka refuzuar kërkesën e autoriteteve lokale në Strugë dhe Kërçovë për mësim online. Këtë e ka konfirmuar ministri i shëndetësisë, Venko Filipçe, sipas të cilit mësim online do të ketë vetëm për nxënësit e shkollave të mesme në Gostivar dhe Tetovë.

 

 

Mësimi duhet të vazhdojë edhe në kohë pandemie, vlerësojnë autoritetet, duke kërkuar që në të gjitha shkollat të respektohen maksimalisht protokollet shëndetësore.