Zgjedhjet lokale, Hoxha: Ndarja BESA-LSDM, s’reflekton në Qeveri

Teksa partitë kanë zgjeruar koalicionimet  para zgjedhjeve lokale, ajo që ra në sy së fundmi ishte mospërfshirja në bashkëpunimin parazgjedhor të partive të pushtetit, e lëvizjes Besa.

 

Sekretari i përgjithshëm i Besës, Arjanit Hoxha, thotë se vendimi I tillë është marrë për të provuar forcën politike në rrethin e parë zgjedhor, por nuk përjashton mundësinë për bashkëpunim në rrethin e dytë. Përjashton zërat për probleme mes dy partnerëve të koalicionit qeverisës. 

 

“Ne kemi vlerësuar se mundësia më e mirë është kjo siç kemi vendosur të dalim. Në rrethet e para çdo parti e koalicionit qeveritar do ta provon vetveten, përfshi edhe Lëvizjen Besa pasi jemi të bindur në punët që i kemi bërë. Pastaj do të mendojmë për veprime në të ardhmen. Kjo nuk do të thotë se brenda partnerëve të koalicionit ka problem.”,- tha sekretari i përgjithshëm i Lëvizjes BESA, Arjanit Hoxha.