Bullgaria në krizë politike, RMV në pritje për zgjidhjen e kontestit

Sipas të gjitha gjasave, Bullgaria do të shkojë në zgjedhje të treta të jashtëzakonshme parlamentare, por nuk është e sigurt se edhe ata do të mundësojnë tejkalimin e krizës politike për formimin e Qeverisë. Edhe pse mandati për formimin e Qeverisë i është dhënë pothuajse të gjitha partive, kjo nuk është arritur.

 

Kjo situatë në Bullgari vetëm po e vështirëson rrugën e RMV-së për të arritur një zgjidhje të shpejtë për kontestin ndërshtetëror, e cila është edhe pengesa e vetme e RMV-së për t’i filluan bisedimet. Presidenti bullgar Radev e ka njoftuar kryeministrin Zaev se më 14 nëntor Bullgaria mund të shkojë në zgjedhje parlamentare dhe presidenciale.                                                                                                       

“Unë besoj se nga fundi i nëntorit dhe fillimi i dhjetorit do të arrimë t’i tejkalojmë çështjet e pazgjedhura me qeverinë e re bullgare. Ne i kemi adresuar çështjet tona përmes patokazit në të cilën janë të definuara si të zgjidhen të gjitha çështjet përmes afateve. Përmes notave diplomatike po e themi haptazi se Maqedonia e Veriut nuk ka pretendime territoriale ndaj asnjë fqinjit dhe nota e dytë që mos të përzihemi në punët e brendshme, përfshirë këtu edhe të drejtat e bashkësive të etnive më të vogla.”,- tha kryeministri, Zoran Zaev. 

 

Anëtari i këshillit strategjik pranë Ministrisë së Punëve të Jashtme, Gordan Georgiev, analisti Rizvan Sylejmani nuk janë optimist për zgjidhje të shpejtë.                                                                                            

“A do ta ndjekim ne akoma atë rrugë në zgjedhjen e të gjitha çështjeve të hapura me fqinjët tanë, e cila do të jetë edhe një masë preventivë për faktorët e jashtëm të cilët po na vinë siç është rasti me krizën e emigrantëve dhe kjo na japë një kohezion të brendshëm dhe garancion nga BE.”,- tha analisti, Rizvan Sylejmani.

 

“Kam përshtypjen se BE edhe është duke e kërkuar vetveten në atë mal i cili është i shpeshtë dhe i errët. Po ashtu ne duhet të pyeti se deri kurrë fqinjët tanë pa asnjë kusht apo me ndonjë kushte minimal do të na kushtëzojnë në rrugëtimin tonë.”,- theksoi anëtari i këshillit strategjik, Gordan Georgiev.           

                          

Edhe ministri i Punëve të Jashtme, Bujar Osmani, është i mendimit se RMV dhe Bullgaria nuk mund të presin zgjidhje të shpejt, por pyetja tani duhet të parashtrohet në atë se cila do të jetë perspektiva e rajonit.