Maqedoni
Aksidenti tragjik në rrugën Kërçovë-Gostivar, Levkov: Pushteti lejoi që kriminelët jenë në liri
05.09.2021 17:57
Deputeti nga VMRO-DPMNE, Mile Lefkov, sot në një konferencë për media akuzoi se në vendin e aksidentit që ndodhi dje para Strazhës...
Deputeti nga VMRO-DPMNE, Mile Lefkov, sot në një konferencë për media akuzoi se në vendin e aksidentit që ndodhi dje para Strazhës, mbërritën punonjës të Agjencisë së Sigurisë Kombëtare për të cilët ka dëshmi që ata po përpiqeshin t'i fshehin informacionet në lidhje me aksidentin. Lidhur me faktin se një nga pjesëmarrësit në aksident ishte Zoran Milevski-Kiceec i cili u dënua në rastin "Zhvatja", Lefkov tha se në vend që të ishte në burg ai ishte i lirë dhe mori pjesë në një aksident me makinë me pasoja fatale që do të thotë se "Zoran Zaev është i martuar me botën e krimit".
"Fakti që Zoran Milevski Kicheec, i cili mori pjesë në aksidentin e trafikut, është në liri, është justifikuar nga pushteti me deklarata kontradiktore. Njëherë thonë se ai është i lirë për shkak të problemeve shëndetësore, pastaj ata pohojnë se është për arsye familjare. Është e qartë se qeveria e Zaevit po përpiqet të mbulojë diçka dhe të fshehë diçka. Kush do të mbajë përgjegjësi për këtë, ne pyesim? Zaev? Mariçiq? Ministria e Brendshme e Spasovskit? Apo Agjencia e Sigurisë Kombëtare? Dy persona humbën jetën dhe gjashtë u plagosën në aksident.”, tha Mile Lefkov deputet i VMRO - DPMNE-së.