Urime për Ditën e Pavarësisë presidentit Pendarovski nga homologu i tij shqiptar Meta

 

“Me rastin e Ditës së Pavarësisë së Republikës së Maqedonisë, më lejoni, në emrin tim dhe në emër të popullit shqiptar, t'ju përcjell urimet më të ngrohta dhe më të sinqerta për ju dhe për të gjithë qytetarët e vendit tuaj mik Me "Jam i kënaqur të vlerësoj përparimin e marrëdhënieve dhe bashkëpunimit shumë të mirë midis vendeve tona, i cili bazohet në vizione, interesa të përbashkëta dhe një perspektivë të përbashkët dypalëshe, rajonale, globale, evropiane dhe euroatlantike",- thuhet në mesazhin urues të Metës.

 

Ai vlerësoi se miqësia dhe bashkëpunimi midis Shqipërisë dhe Maqedonisë shtrihet në të gjitha fushat dhe është "në shërbim të marrëdhënieve shumë të mira fqinjësore midis dy vendeve, interesave dhe të ardhmes së qytetarëve tanë". Meta shpreh bindjen e plotë se një ndikim shumë i madh në forcimin e bashkëpunimit mes dy vendeve ka luajtur dhe po luan "adresimi dhe përmirësimi i vazhdueshëm i marrëdhënieve ndëretnike midis shqiptarëve dhe maqedonasve".

 

"Komuniteti maqedonas në Shqipëri dhe shqiptarët nga Maqedonia, të cilët kanë qenë gjithmonë përkrahës të shtetësisë së Maqedonisë dhe integrimit në NATO dhe Bashkimin Evropian, janë ura të shëndetshme miqësie dhe vlerash të patjetërsueshme që duhet të ruhen, mbështeten dhe promovohen me të gjithë energji pozitive",- tha Meta.

 

Në fund, presidenti shqiptar shpreh dëshirat e sinqerta për zhvillimin dhe përparimin e një Maqedonie mike.