Ministria e Shëndetësisë: Spitali modular u ndërtua sipas standardeve

 

“Qendrat modulare të COVID-it, përfshirë spitalin në Tetovë, janë të hapura pas kontrolleve teknike. Gjatë ndërtimit të të gjitha spitaleve modulare, materialet e përdorura janë të certifikuara. Ministria e Shëndetësisë informon se qendra Covid në Tetovë është projektuar me tre hyrje, korridoret janë të gjera 2.4 metra dhe parmakët e dritareve janë të ulëta për raste evakuimi. Në objekt nuk është përdorur dru dhe të gjithë elementet e tjera të nevojshme për mbrojtje u respektuan.”,- thuhet në njoftimin e Ministrisë së Shëndetësisë.

 

Përveç kësaj, Ministria e Shëndetësisë rikujton se të gjitha spitalet modulare posedojnë certifikatë për mbrojtje nga fatkeqësitë, se materialet e përdorura për ndërtimin e tyre janë të certifikuara dhe se kanë kaluar të gjitha fazat e kontrollit të tyre të brendshëm.

 

“Gjatë lëshimit në përdorim, u bë një pranim i rregullt teknik. Gjatë ndërtimit ka procesverbale të rregullta të dokumentuara për vërejtje teknike të parëndësishme, silikonim i llajsnave në dysheme, nivelizim i sifonit në tualet, vazhdim i ulluqeve etj. Për këto kërkesa është vepruar dhe janë sanuar para lëshimit në përdorim dhe hospitalizimit të pacientëve.”,- thuhet në njoftim.

 

Se cili është shkaku i shpërthimit të zjarrit në spitalin modular në Tetovë, nëse të njëjtat janë të ndërtuara me standarde të larta mjekësore, këtë përgjigje autoritetet shëndetësore do ta presin nga hetimet e plota të organeve kompetentë dhe nëse eventualisht vërtetohen lëshime, premtojnë se do të kërkojnë përgjegjësi për këtë ngjarje tragjike. Për shkak të numrit të madh të të infektuarve u ndërtuan 19 spitale modulare në vend.