Hetimi në spitalin modular në Tetovë, katër ekspertë gjermanë do të kyçen në hetim

Shtatë ditë pas tragjedisë në spitalin modular në Tetovë, ku humbën jetën 14 persona, akoma nuk kanë arritur ekspertët e paralajmëruar nga Gjermania, teksa prokuroria e vendit ka dhënë një sërë urdhrash për ekspertiza.

Zëdhënësi i Qeverisë, Dushko Arsovski, njoftoi se ekipi gjerman i ekspertëve nga shërbimi federal i kriminalistikës duhet të arrijnë ditëve në vijim.

Ekipin fillimisht, sipas Arsovskit, do ta përbëjnë katër ekspertë edhe aty dy nga krim teknika dhe forenzika për hetimin e zjarreve dhe dy nga krim teknika dhe forenzika për matjen lazerike të hapësirave dhe fotografim.

“Në Ministrinë e Punëve të Brendshme po përgatitet mbështetje adekuate në formën e mjeteve, planeve dhe informacioneve të tjera relevante të cilat mund të punojnë në vërtetimin e përbashkët të fakteve. Ekspertët gjermanë do të punojnë bashkërisht me krim teknikët e MPB-së si mbështetje për Prokurorisë Themelore Publike gjatë hetimit për vërtetimin e shkaqeve për zjarrin në spitalin modular në Tetovë.”,- tha zëdhënësi i Qeverisë, Dushko Arsovski.

Deri më tani Prokuroria ka kërkuar të gjitha incizimet e publikuara në rrjetet sociale, të dhëna për personat prezentë në vendin e ngjarjes, procesverbalet për bisedat e zhvilluara ditën e ngjarjes.

Prokuroria kërkon dokumentacion e plotë për ndërtimin e spitalit modular si nga Ministria e shëndetësisë ashtu dhe nga personi juridik i angazhuar për ndërtimin e së njëjtës.

Nga prokuroria për krim të organizuar demantuan se kanë ngritur procedurë hetimi për ndërtimin e të gjitha spitaleve modulare.

Nga inspektorati shtetërorë shëndetësor dhe sanitarë të dielën pa paralajmërim kanë kryer mbikëqyrje të jashtëzakonshme në spitalin e Tetovës pas informacioneve se qytetarë nga jashtë kujdesën për familjarët e sëmurë nga Kovid 19.

Nga ky inspektorat për TVM kanë theksuar se nuk është konstatuar shkelje e Ligjit gjegjësisht nuk janë takuar persona nga jashtë brenda spitalit.

Drejtoresha e inspektoratit shtetërorë shëndetësorë dhe sanitarë shpjegon Sotirova Buhova shpjegon se inspektimi në spitalin e Tetovës në asnjë mënyrë nuk është e ndërlidhur me tragjedinë por që mund të veprojnë nëse vërehen veprime jashtëligjore. (Florije Beluli Kamberi, TVM2)