Shkup, mbërriti grupi i dytë i refugjatëve afganë

Teksa situata në Afganistan vazhdon të jetë e rëndë, në Aeroportin Ndërkombëtar të Shkupit këtë pasdite mbërritën edhe rreth 40 refugjatë afganë.

Mes tyre ka edhe gra dhe  fëmijë dhe burra. Një autobus i priti ata në aeroport, për ti dërguar më pas në objektet e akomodimit. 

Dy javë më parë, grupi i parë prej  149 shtetasve afganë mbërriti në Shkup nga aeroporti i Tbilisit në  Gjeorgji.

Edhe mes tyre kishte gra dhe fëmijë si dhe njerëz që  kanë punuar  për organizatat ndërkombëtare në mbështetje të pranisë së NATO -s bashkë me familjet e tyre.