Java Evropiane e Lëvizshmërisë

 

Këshilli Republikan për Sigurinë në Trafikun Rrugor në 7 ditët e ardhshme do të zbatojë një sërë aktivitetesh për të promovuar dhe mbështetur format alternative të lëvizshmërisë, me theks të veçantë në mbështetjen e çiklizmit.

 

“Çiklizmi, si mjet transporti alternativ sjell me vete shumë përfitime - personale, ekonomike, sociale, mjedisore dhe shumë të tjera. Si rezultat i të gjitha këtyre përfitimeve, njerëzit gjithnjë e më shumë po i zëvendësojnë makinat e tyre me biçikleta, si një mënyrë lëvizjeje dhe tranziti në destinacionin e dëshiruar. Hulumtimet tregojnë se në dekadën e kaluar, numri i njerëzve që udhëtojnë në vendin e tyre të punës me biçikletë, po rritet vazhdimisht nga dita në ditë dhe ky fenomen pozitiv, duhet të vazhdojë edhe në të ardhmen”, thonë nga KRST.