Covid-19 në çerdhe, Shahpanska: 13 edukatore dhe 9 fëmijë pozitivë

 

“Gjendja në çerdhe është stabile dhe tanimë një vit po qëndron si e tillë. Sot në mbledhjen e shtabit të krizës kanë raportuar se vetëm 13 edukatore dhe të punësuar të tjerë në çerdhe janë pozitivë në gjithë shtetin dhe vetëm 9 fëmijë. Në shtatë ditët e fundit, ne kemi bërë një inspektim të jashtëzakonshëm për respektimin e protokolleve, i cili u realizua nga Inspektorati Shtetëror Sanitar dhe Shëndetësor. Raporti i tyre i dërguar në  Ministrinë e Punës dhe Politikës Sociale është se protokollet ndiqen në mënyrë të vazhdueshme, se nuk ka transmetim horizontal të virusit në kopshte.”,- deklaroi ministrja e punës dhe politikës sociale, Jagoda Shahpanska.

 

 

Ndërkohë sipas statistikave të Ministrisë së Shëndetësisë, numri i rasteve të reja me coronavirus shënon ulje, por mbetet i lartë numri i vdekjeve. Sipas autoriteteve, më së shumti nga coronavirusi pësojnë personat e pavaksinuar. Siç informoi ueb-faqja “ourworldindata.org” sipas numrit të vdekjeve, javën e kaluar Maqedonia ka qenë e para në Evropë, ndërsa e katërta në botë. Më shumë të infektuar ka në Shkup, Tetovë, Kumanovë, Ohër, Strugë  dhe Gostivar.