Varhelyi për vizitë në Bullgari, kontesti me Shkupin temë e takimeve

 

Agjenda e Varhelyit gjatë vizitës në Sofje, përfshin takime me Presidentin Rumen Radev dhe Ministrin e Jashtëm Svetlan Stoev.

 

Detajet e bisedimeve nuk janë bërë të ditura, por BNR, duke cituar burime të mirformuara, shkruan se tema do të jetë vetoja e Bullgarisë për fillimin e bisedimeve të pranimit të Maqedonisë së Veriut në BE.

 

Kjo është vizita e dytë e eurokomesarit Oliver Varhelyi në Bullgari . Më 21 maj, ai vizitoi Bullgarinë i shoqëruar nga Ministri i Jashtëm Portugez Augusto Santos Silva, ku në takimet me politikanët bullgarë u diskutua propozimin Portugez për zgjidhjen e mosmarrëveshjes midis Sofjes dhe Shkupit.