Përfaqësuesi i Lartë për Politikë të Jashtme i BE-së, Josep Borrell, ka uruar Millosh Vuçeviqin për zgjedhjen në pozitën e kryeministrit të Serbisë.
Ai është deklaruar se pret bashkëpunim me qeverinë e re dhe ministrin e ri të Jashtëm, serb, Marko Gjuriq.
Në kuadër të luftës për parandalim dhe luftimin e kontrabandës, Policia e Kosovës ka gjetur dhe konfiskuar rreth 390 kilogramë duhan në Gjilan.
Sasia e duhanit të konfiskuar është gjetur dje rreth orës 17:20 në Gjilan, gjatë kontrollit të një automjeti me targa të Serbisë.
Dhjetëra studentë kanë ngritur kampin në Universitetin Kombëtar Autonom të Meksikës, në solidaritet me palestinezët dhe kundër luftës së Izraelit me Hamasin në Gazë.
Qeveria e Kosovës vlerëson se Bashkimi Evropian padrejtësisht po i mban masat sanksionuese ndaj Kosovës, megjithëse sipas zëvendësministrit të Punëve të Jashtme, Kreshnik Ahmeti, ka sinjale që masat sanksionuese ndaj Kosovës mund të largohen.
Pas disa ditëve reshje shiu të rrëmbyeshëm në Brazilin jugor, është shembur një digë hidroelektrike që ka shkaktuar përmbytje masive, duke marrë jetën e më shumë se 30 njerëzve.
Izraeli goditi një ndërtesë të forcave të sigurisë siriane në periferi të Damaskut, ndërsa tetë ushtarë u plagosën. Ushtria izraelite vazhdoi sulmet e saj në Rripin e Gazës. Një përgjigje përfundimtare nga Hamasi pritet në Kajro.
